|
某日，朋友告訴我，我好像越來越肥，長遠對身體健康會有威脅！其實，我自己都覺，因為我的身型，令活動能力減慢左好多，行多步路都會喘氣，更唔好話去做運動！我之前試過用不同節食方法減肥，但都唔成功，相反越來越重。搞到自己身體差左好多。
今次減肥，明白最緊要信任自己嘅營養師，多d互相溝通，有問題唔好因為怕羞就唔問，有意見可以提出同營養師交流。另外亦要有決心同恆心，堅持自己目標，我就係咁樣，邁向成功！
減肥後，我可以著到好多以前唔會著的衫。另外，以前我只會選擇一些深沉顏色的衣物，宜家我買多左好多唔同顏色的衫裙，真係開心左好多。最緊要係，我宜家行路同跑步都輕鬆左、快左好多，身體又健康左好多，當然連自信心都大左啦！！
|
