不經不覺又到咗秋天啦，又係時候去日本賞紅葉🍁啦，所謂「食慾之秋」，享用當季美食絕對係旅行嘅一大重點啦😆！等小米同大家分享下日本秋季又有營養又正嘅美食啦！

1. 松茸 (每100克 – 約3整條︰32千卡熱量、6克脂肪)

有著「🍄菇中之王」嘅美譽，係日本非常人氣嘅秋季高級食材之一。佢嘅熱量同脂肪好低，而且每100克有近5克嘅纖維。作為菇類嘅一員，佢含有豐富嘅水溶性纖維，有助預防心血管疾病、膽固醇同血脂嘅控制，而且亦富含屬於益生元嘅β-葡聚醣，有助體內益生菌嘅發展添！

日本有部份餐廳喺秋天開始陸陸續續都會推出季節限定松茸嘅美食，譬如好似係用松茸製作嘅茶碗蒸、松茸鍋、松茸飯同燒松茸等，都係有「營」美味嘅選擇嚟😋！

2. 蠔 (牡蠣) (每100克 – 約5隻︰58千卡熱量、2克脂肪)

日本秋季嘅蠔🦪會生得比較肥美一啲，尤其清甜多汁架！蠔本身都係低脂嘅蛋白質類食物，5隻蠔大概有約1隻雞蛋🥚嘅蛋白質含量啦！此外，蠔亦有豐富嘅礦物質，譬如︰鋅、鐵等，攝取足夠嘅鋅質對傷口復原🩸、維持免疫力都好重要架！

講到蠔嘅美食，當然唔止得生蠔、燒蠔，🍶清酒蒸蠔、用蠔製成嘅鍋物🍲，譬如味噌鍋，同廣島縣鄉土料理牡蠣土手鍋都係超正嘅選擇啦！

3. 蕃薯 (每100克 – 約1/2個︰126千卡熱量、2克脂肪)

蕃薯🍠含豐富嘅碳水化合物，屬於穀物類，可以為人體提供能量，尤其是我哋覺得凍🥶嘅時候，更係取暖嘅恩物添！蕃薯含豐富纖維，平均1個蕃薯就有8克嘅纖維，已經係每日纖維建議攝取量嘅1/3啦！此外，佢富含鉀質，對於降血壓同身體排走多餘嘅鈉質好有幫助，蕃薯仲有穩定情緒、抗抑鬱嘅作用添！

雖然喺日本用蕃薯製成嘅甜品眾多，不過好多都加入咗額外嘅脂肪譬如牛油，或者糖份去製成，最有「營」嘅莫過於烤蕃薯，除咗廣為人知嘅「激安之殿堂」外，便利店都有機會見到佢架😎！

4. 秋刀魚 (每100克 – 約中型魚1條︰287千卡熱量、6克脂肪)

雖然秋刀魚🐟嘅熱量同脂肪絕對唔屬於低，不過佢含豐富嘅奧米加3脂肪酸，佢嘅DHA含量 (每100克2548毫克)比三文魚(每100克1270毫克)仲高出1倍添喎！而且佢富含維他命B12同維他命D等營養素，絕對係有「營」之選嚟嘅！

秋天嘅秋刀魚特別肥美同鮮味，除咗刺身、壽司、鹽燒秋刀魚外，用秋刀魚製成嘅雜炊飯🍚都係唔錯嘅選擇！

5. 烤米棒 (每100克 – 約15厘米長5條︰200千卡熱量、 0.4克脂肪)

烤米棒係秋田縣嘅鄉土料理，將白飯🍚打成漿再捲喺木串上整成棒狀，用炭火烤熟而製成。秋田特式料理會用佢嚟煮烤米棒火鍋或者塗上一層味噌烤成嘅味噌烤米棒，地道得嚟又暖身！因為烤米棒係用白飯整成，完全可替代每餐嘅穀物類咁攝取碳水化合物作為能量架😉！

6. 葡萄 (每100克 – 約50粒︰69千卡熱量、2克脂肪)

日本葡萄🍇初秋係最佳嘅採摘季節，除咗喺當地巿場、超巿都可以買到唔同品種香甜嘅葡萄外，仲可以參加葡萄園嘅採摘體驗活動添！葡萄嘅熱量唔算高，可以提供到唔同嘅維他命、礦物質同抗氧化嘅營養素，包括胡蘿蔔素、維他命C、鉀質、多酚等，而黑色⚫️、紅色🔴、紫色🟣嘅葡萄仲有豐富嘅花青素，對眼睛👀都好有益架！

好多朋友都會擔心，巨峰葡萄同香印葡萄咁甜，熱量一定會好高啦🤨……好消息係其實佢哋嘅熱量同糖份同其他普遍嘅品種都係差唔多嘅。香印每100克有61千卡熱量同15克糖，巨峰每100克則有63千卡熱量同16克糖，而葡萄平均有69千卡熱量同17克糖，實在唔駛擔心😍！

7. 日本梨 (每100克 – 約1/3個︰38千卡熱量、1克脂肪)

日本之秋水果方面除咗葡萄，仲有好多譬如係日本梨🍐，去到11月中旬都係當造時期嚟架！日本梨嘅熱量唔高，88%係水份嚟，屬於低升糖指數嘅水果，仲有纖維、維他命C同鉀質等營養素添。唔同嘅品種可以有唔同嘅酸甜度，脆口又多汁，喺乾燥嘅秋天🍂絕對係滋潤補水嘅恩物呀！

特選購物優惠 ： 以$1980 (原價$2390) 換購G-NiiB非入侵性大腸癌風險檢測乙份。

加送營養師飲食諮詢乙次。

採用新一代技術，偵測大腸瘜肉及早期患大腸癌的風險。靈敏度高達94%，相當於大腸鏡檢查。

去完旅行，體重上升？！唔駛擔心，填回下表登記「綜合體重及健康分析」，讓你對營養減肥了解更多。

參加計劃更有過千款由營養師設計的減肥食譜提供，集合多國菜式、甜品、主菜、小食等一應俱全；讓您飽住減肥，瘦得更輕鬆！