體驗分享
38年來,米施洛幫助超過十萬人健康減肥, 當會員參加我們的減肥計劃後,對於營養減肥有全新體會,以下是會員在減肥過程中的體驗分享。
懷孩子期間,體重暴升了60多磅;孩子出生後,欠缺運動,加上工作壓力及照顧孩子十分疲累,於是寄情於食,特別喜歡吃甜品零食,藉此令自己心情愉快。
在「入多出少」的情況下,體重持續上升。雖然試過參考坊間的減肥餐單、代餐,試過用多種不同方法減肥,但終不能持久。
肥胖影響我的健康,我的膝關節開始不順,走路容易氣喘,做事提不起勁,容易疲倦。
〈米施洛〉提供了很多減肥資訊,又有不同食譜,我重新學習「識飲識食」。我試著運用不同低脂的食材,煮出既健康又美味的食物,享用美食的同時又令自己飽肚不捱餓;我間中也會吃一些營養師建議的零食,如朱古力米餅、啫喱、薯片……不知怎的,允許我吃時,反而吃零食的慾望大大減低,令減肥的過程變得輕鬆有趣。
減肥除了令我的外型健康大大改善,過程中,良好的飲食及做運動的習慣得以建立。另外,我為達到目標,學會節制,也學會好好的管理自己的身體,不再容許情緒及食物控制我,自信心也隨著提昇不少,這真的是減肥以外的收獲。
能成功減肥,要多謝天父、愛我的丈夫及女兒,更要多謝我的營養師,提供了專業的減肥建議。
由細到大都係肥妹仔!
曾試過好多減肥方法,仲好唔健康咁用兩個月由165磅減到去130磅,搞到有少少厭食症。但體重好快就反彈,重到去195磅!
身體問題愈來愈多:腸胃病、脂肪肝、膝蓋痛、足底痛…等;曾經因為滑倒,要兩個人扶我起身。
因為過肥,導致腰及腳痛問題嚴重了,令我決心正視體重問題。
第一次約見〈米施洛〉營養師時,以為一定是「無啖好食」的節食方法;但在她的悉心解釋後,才明白減重不需像以前一樣,要節食或服藥,只須跟從營養師的分配,就算同朋友外出吃飯都無問題!
經過【營養減肥計劃】,體重及脂肪減少好多,身體也健康了,自信心及恆心也多了。
好多謝身邊每位朋友的支持,更加更加多謝〈米施洛〉營養師,教曉我原來可以更健康不反彈的有效控制體重的方法,Thanks!!
當你想減肥時,啲人通常係講:「食少啲啦!」、「做多啲運動啦!」……未試過咩?!就係試過、努力咗都唔得,仲要肥咗嘛!
其實,一直都唔敢食太多。無食零食。但生咗三個小朋友、又要食佢哋口水尾、又無時間做運動、好難瘦。
未生前都肥肥哋,BMI超標,試過做Gym、食代餐、美容院……樣樣試過。對方只會質疑,你有無聽話食少啲?有無跟指示份量……?
問題真係係我度?!
朋友介紹〈米施洛〉「唔捱餓」都減到,我盡管一試。
〈米施洛〉俾我明白,「食得少,唔一定會瘦;食得飽,唔一定會肥」嘅道理。
每次見營養師,佢都好好笑容,重咗唔鬧我,會幫我調整餐單,令我食得飽飽。
暫別部分最愛美食時,佢教我找代替品舒緩情緒,亦有特別餐單處理平台期,就算有好友相約打邊爐、BBQ,都唔會尷尬。
換著去xx中心,只係識教唔好去,唔好食,好快就會放棄。
我唔鍾意做運動,但我唔怕出汗,好可惜我明明做咗運動又出晒成身汗,瘦都唔瘦吓,好discourage。參加咗〈米施洛〉兩星期,有《纖房菜》嘅幫助,無做運動已經輕咗幾磅,好大誘因做埋運動!營養師話我知運動原來有秘訣,心跳唔可以太快,亦唔可以太慢,持續廿分鐘以上,先可以完全燃燒脂肪。原來行樓梯都可以減肥,咁唔駛去Gym 跑步喇,慳咗好多時間睇細路。
依家無咗個肚肚隔著,攬老公都可以實啲,最開心係我第一次可以係連鎖店買褲,仲要係短褲,哇哈哈,連我老公都未見過,磅數尺碼,回到未嫁時。
講真,除咗自己努力,好多謝〈米施洛〉成個團隊,尤其是營養師^_^,希望你哋想減嘅都成功!
曾經嘗試很多不同的減肥方法,但不十分成功,磅數回彈得很快。
今次減肥,目的是為了身體健康。
在朋友介紹下,參加了〈米施洛〉的【營養減肥計劃】,知道了每人每日的基本飲食需要、分量、營養比例、出外用餐的很多陷阱…等。又學會如何選擇食物,慢慢地養成一個良好的飲食習慣,對將來持久的身體健康有很大的幫助。再加上定期的運動,身體的體質改善了很多,脂肪肝沒有了,血壓也回到正常的水平,膽固醇也正常了。
開始計劃的首星期都不習慣,但很快就習慣了。
只要有決心及知道方法,持之以恆就很容易達到目標。
正常的社交和出外用膳都和減肥前沒有分別!所以減肥都是可以有朋友的!
我好鐘意食野,又易吸收,正所謂「飲水都肥」!但係當你肥到打開衣櫃,不停諗「我着咩衫可以無咁肥啫」而都冇答案時…就決心要減肥了!
之前試過好多方法:食代餐好快見效,但食番正常體重就好快標升;又試過戒澱粉質、淨係食生果,但因為唔夠飽反而食多咗…就算做運動,體重都係無落反升…!唔知用咩方法好嘅時候,聽到同事啲朋友,搵〈米施洛〉營養師減且好成功,了解後係可以食飽加做運動,覺得幾好,就參加左!
減肥的過程,營養師悉心為我訂做個人餐單,食得飽之餘配合適量運動,用了4個月就已經減了20磅了,而且今次面色紅潤,無之前咁蒼白,當中有遇到平台期,在營養師鼓勵下努力,約花2個月時間終於過左,真係好感動架!
在此再一次多謝營養師耐心照顧,特別多謝媽咪為我準備唔同的食物!
參加〈米施洛〉減肥前,受痛風、脂肪肝、腳傷困擾,連步行也舉步為艱!
當時孩子剛出世不久,朋友一句「第時你個小朋友仲行得快過你」,使我霎時驚覺,身體已發出嚴重警號,必需要正視體重問題。所以決心參加〈米施洛〉【營養減肥計劃】。
坊間傳言,跟營養師必需食特別的營養餐,難準備、份量少、味道差…等等。
第一次見營養師,印象最深刻是,她解釋減肥期吃的食物都是一般食物,而且保證食得飽,不用挨餓,釋除了我的擔憂。
開始計劃後,在營養師們專業的知識及指導下,我了解到何謂健康的飲食及生活,以及以往的錯誤。過程中難免遇到瓶頸及情緒低落,多得營養師適切的關懷,鼓勵及鞭策。
我成功了﹗改變飲食習慣後,我相信日後我可保持一個健康的體態。
相信自己,相信〈米施洛〉,我可以,你也可以。衷心感謝營養師陪伴我走過這一個旅程,給我恢復健康的機會。
生長在一個「肥胖」的家庭,真的「飲杯水都會肥」!
生第2個小朋友後,體重一直有升無減;減肥藥、西柚餐,甚麽也試盡,還是一年比一年肥,買衫年年要多一個「X」…,完全無自信,連鏡也不敢照;過胖甚至影響我的健康:每次上不到十級樓梯,膝蓋便痛得很…。
直到看見同事到〈米施洛〉,身型完全改變,又減得健康。於是,我決定報名,挑戰自己、改變命運。
開始時,《纖房菜》的確幫我不少,當然也得讚自己「忍口」功夫了得、有緊記營養師的叮囑、keep住做運動等。每次上磅,心情都很緊張,幸好體重一直下跌,甚至在一些節日和長假期後,也沒有上升。
萬分多謝我的營養師,她除了有豐富的營養知識外,每次她都會為我加油,簡單的一句,是推動我要繼續努力的能源。還要多謝我的女兒,每次我跑步,她都會為我預備飲料,運動場上一句「媽媽加油!」,真的感謝他們的支持。
希望每一位到〈米施洛〉的朋友,都相信你的營養師,也要抱著堅定的意志,則你也可以像我一樣,「減得輕鬆又健康」。
參加【營養減肥計劃】前,己試過找健身教練,食減肥藥等不同方法,但體重沒任何改變;後上網搵到〈米施洛〉,決心試最後這一次,改變自己。
起初不相信可以靠「飲食」,在一年內減到預期磅數,但經營養師幫助,配合餐單,慢慢達到到預期要求。
減肥難處在於外間美食多,但慶幸有《纖房菜》既幫助,令原本既目標,事倍功半!
好感謝營養師,令原本想放棄改變自己既我,再次決心做一件「不可能」既事,亦令我由「食肉獸」變成現在喜歡吃清淡食物,生果,蔬菜…,感激!!!
減肥係要聽話,聽營養師既建議,跟餐單份量,多做運動,持之以恆,成功之路就不遠!!!
Eat right and slim fast!
深信自己飲水都會肥既人;試過不同餐單同狂做運動,結果係:又辛苦、又減唔到!
直到家人朋友都笑我越黎越「師奶」,才下決心搵〈米施洛〉。
慶幸有個友善又開朗既營養師,幫我設計美味瘦身餐單,仲教我好多健康貼士;最重要係,【營養減肥計劃】期間,不時都有飯局,全靠營養師呢個好軍師,幫我擬定唔同策略,令我就算一餐半餐食得多左,仍無礙減肥進度。
我係〈米施洛〉學到既知識,絕對終身受用。原來擁有加細碼既身形,唔係天方夜譚!
多謝〈米施洛〉教識我一套 Miraculous yet Sustainable Lifestyle!