近年我新陳代謝變慢，體重不斷上升。明明飲食偏清淡，驗血指標卻唔合格，真係好困擾，最終決定搵營養師 Karlie 幫手。

 

多謝佢嘅指導，除咗控制食量，仲教識我好多揀餐揀食材嘅知識。成個過程最困難嘅係我唔識煮嘢，對食材一竅不通，成日食錯嘢，Karlie 都會耐心矯正，更直接寫食譜畀工人姐姐跟住煮，解決晒所有難題。之後遇到樽頸位，體重落唔到磅，佢不斷改良餐單，又教我點樣排鈉消水腫、增肌同改善腸道，終於成功突破關卡。

 

記得佢成日話：「人生可以有好多年的節日慶祝，但減肥只係呢段時期，一定要堅持住。」好滿意自己減咗 33 磅、體脂跌咗10%，而最重要嘅係最近再做身體檢查，指標終於全部合格，真係好感激 Karlie！