我叫國耀，有D人叫我做「肥哥哥」；圓頭和肥肚腩係我嘅特徵。一直以來，我都唔覺自已肥，老婆叫我減肥幾年了，我都無理佢！

我有甲狀腺問題、血壓高和睡眠窒息症。每次覆診，醫生都叫我減肥，但始終都唔覺得好有需要。直至血糖指數偏高，需要食血糖藥，醫生又再一次叫我減肥，甚至話：「其實你唔減肥，咁樣覆診都係無意思架喎！」仲話：「如果有三高，後果會好嚴重。」我先開始諗：「如果我有咩事，我老婆點算呢？」所以我決心減肥。

其實，我一直唔覺得自己食量好大，我有嘗試做過運動，但因為我太肥了，運動過程好辛苦，所以都不能持之以恆。

我選擇〈米施洛〉，而且和太太一齊參加，因為我地兩個都好需要有個人監察我地嘅減肥大計。

見過營養師後，發現減肥原來有好多學問。

對我來講，按份量飲食不太難。好多人問我，跟減肥餐會唔會好肚餓，其實我想講，每一次我都唔覺肚餓，甚至營養師叫我要食足夠份量 (尤其澱粉質)。

有D習慣當然需要去改，例如我好鍾意食醬汁，知道醬汁係好高油和鈉，就要減少食。每餐後都行吓，郁動吓。以前，我係會飯後坐係梳化睇電視！

運動方面，只要按住營養師指示，其實一D都唔難，而家我仲愛上做運動，並且和朋友定期出街跑添。

因為減肥，我嘅生活習慣變得更健康，我而家仲唔駛再食糖尿藥，血壓藥亦已減量。

前排我睇番以前D相，先發覺原來以前自己真係好肥；而家我成個人瘦曬，睇住我減肥嘅朋友覺得好amazing，好耐無見嘅朋友，有好多次係街見到，都要我主動叫佢哋，先認得到我。