叮飯時同事們對我個飯盒相當好奇，明明話減肥，點解可以食咁多嘢？

同事一句「肥美的青蛙」(青蛙係我嘅暱稱，因為我喜歡Keroppi)，再加上健康響起警號 (自己40未夠，我唔想食一世藥)，所以決定為自己健康而戰，的起心肝減肥。之前試過唔少減肥方法，但似乎唔太有效。有同事建議我不如試吓搵營養師幫手，於是我決定參加【營養減肥計劃】。

一般人認為搵營養師注定冇啖好食。但親身體驗後，發現絕對唔係！減肥唔等如冇啖好食，而係要識飲識食。只要識㨂飲擇食，一樣可以飽住瘦身。減肥期間，我嘅午餐可謂非常精彩，叮飯時同事們對我個飯盒相當好奇，明明話減肥，點解可以食咁多嘢？我冇諗過減肥都可以有飽飯食，未參加計劃前我午餐只吃無糖即冲麥皮。就算到減肥後期無《纖房菜》幫手，減肥期間所學到嘅知識，終身受用。

除了飲食，運動亦重要。單靠飲食控制不足以減肥。上完體適能指導更明白原來自己一直減唔到磅係因為缺少運動。我以前好抗拒做運動，到現在每日至少做30分鐘運動。其實要每日運動半小時係冇難度，一邊聽歌一邊跑步，半個鐘好快過。當運動成為習慣，你會漸漸愛上做運動。
更重要係：營養師+屋企人+自律。減肥不是孤軍作戰，你嘅營養師同屋企人會陪你一齊打呢場仗。我感謝我嘅營養師陪我完成呢個壯舉。當初聽到要減25磅，覺得完全是不可能的任務。偶爾升磅時，她們俾我信心鼓勵我繼續努力減落去。4個月減肥期，偶爾偏離餐單在所難免。

減肥期間我去台灣旅行，出發前後營養師幫我調整餐單，亦教我一些小技巧避免增太多磅；令我去完旅行，後即使增磅亦能快速再追上進度。至於屋企人，我好幸運屋企人好支持我減肥，肯陪我一齊做運動，一齊食得健康。當我想食唔應該食嘅食物，會阻止我。如果沒有他們，我根本不可能成功減磅。不過，營養師同屋企人都只是幫你一把，做與不做，同做幾多，全由自己決定。你要為自己負責任。偶爾偏離餐單唔緊要，但其他時間，請自律。

完成減肥後，朋友，鄰居和同事們都讚我瘦咗同靚咗，身形好睇咗，著衫好睇咗。老公話營養師幫他找回當年初相識的我。健康方面，三高問題解決了，醫生容許我不用服藥。最後，減肥唔係孤軍作戰。我得，你都一定得。各位同路人，加油！