細細個嘅時候見親戚朋友都話自己瓜子臉型幾好睇，但大大下，出左黎做野讀書之後，就開始慢慢走哂樣，又鍾意食零食薯片飲甜野、食宵夜，又懶得做運動，搞到自己身形臉型都變到包包臉，身形直到肥到肚腩都一節節，影相唔靚又無哂自信，連照鏡都覺得自己好肥，但又唔知點減好，試過做瑜珈，但自己無恆心keep到去做，搞到減肥變左口號咁，愈減就愈肥，連做姊妹嘅時候條姊妹裙都要專登做個百摺位係前面遮住個大肚腩，等自己唔好咁顯肥！但影相都仲係最肥嘅姊妹，個時已經心入面諗住做姊妹影相肥唔緊要，但第時自己結婚個時點算，唔想做一個肥腩新娘，所以終於下定決心減肥！

 

係短短3個幾月入面，我衷心感謝我嘅營養師Kammy，佢係過程中不斷鼓勵我，又不斷調節我嘅餐單，教識我好多營養知識同比好多意見我去跟，教我點樣食，揀咩食物健康得黎又划算。慢慢識得揀啱自己得黎又健康嘅食物同生活習慣。Kammy知道我有時偷懶會少做運動，佢都會主動send youtube減肥運動片比我，鼓勵我每日抽時間做，令我開始建立番運動習慣，身形開始變得fit又靚左，成個人有番自信，最開心係我終於著到以前著唔落嘅衫，仲可以買新衫變靚！

 

3個幾月入面，最大嘅心得就係學識點樣減肥！亦知道運動同飲控缺一不可，食多食少都要認真記錄先可以幫到自己調節份量，多謝米施洛營養師團隊同前台職員，你地經常關心同鼓勵我去減肥，就算停滯不前你地都會繼續支持鼓勵，令我有動力繼續減落去。各位減肥中嘅你哋，只要堅持同利用營養師所教導嘅方法，一定成功！加油！