自從生咗女女之後，體重一直有升無跌。直到去年8月底，我下定決心搵營養師幫手。前後4個月成功減咗31磅，體脂仲跌咗近14%！終於搵返生女之前嘅身材，同埋著得返之前啲靚衫，好開心！身邊嘅朋友見我減得咁快咁多，都好驚訝。聖誕節去女女同日group party時，班媽媽差啲認唔出我，不停咁問我減肥貼士，我當然好沾沾自喜啦。

 

其實以前自己都試過減肥，試過168斷食、戒碳水、淨食沙律，開頭雖然有啲效果，但限制太多食嘅野又單調，真的好難堅持。

 

今次有營養師全程指導，佢唔係叫我一味節食，反而教我點樣聰明揀啱嘅野食、睇營養標籤，減肥同時保持碳水、蛋白質同各種營養均衡。所以整個過程我都食得飽、夠營養，又減到肥，適應起來完全唔太難。所以都有推介俾身邊嘅朋友！見營養師最大收穫唔止係減磅，仲幫我建立咗運動習慣！年底仲成功「感染」老公，同我一齊行咗3次山，我覺得自己好犀利！聖誕節前成功減磅，即刻同家人去影輯家庭相留念，真係好開心！