[減磅第2個月] – 終於突破第一個10磅！

體重： 179lbs ⇒ 165LBS

脂肪率： 46% ⇒ 40.8%

今個月終於突破10磅！

繼續係比進度快左1磅度～加油??

仲有我終於明白點解我咁怕熱

原來皮下脂肪就好似件外套咁，脂肪越多，件外套就越厚

希望我件脂肪外套會越來越薄，咁就唔駛咁熱啦！

早餐

今個月多咗食蕃薯，其實蕃薯連皮食又幾正?         仲有麵包我都覺要連邊嘅先好食！

不過呢~其實最鐘意都係食芝士～幾乎日日早餐都要食?

午餐

米線真係減肥嘅好選擇，不過次次米線都食雞肉好悶嘅，轉下新嘢先～ 扎肉牛丸冬菇木耳米線?

呢個係出街食最穩陣嘅選擇? 不過一出去食就會唔小心食多左?

呢個纖房菜配生菜有髮菜蠔鼓冬菇嘅感覺！！正??

不過都動搖唔到我對黑胡椒辣牛既愛????

話說有日阿姐請飲嘢，呢杯又幾好飲啵，真水果茶黎！我揀無糖覺得岩岩好~

晚餐

呢排逢Happy friday 經常都出去食~

越來越多朋友問我點解咁忍到口，其實我都唔知點解?

應該係我嘅決心比任何嘢都更加大?，因為有營養師經常提醒我嘅終極目標同應有的飲食態度

話咁快就到兩個月，原來已經輕左咁多，時間過得很快，下個願望係脱離16字頭！繼續努力！！

[減磅第2個月] – 運動篇

為咗可以更有動力做運動同睇到成效，終於去左買番個脂肪磅

話說有日太心急做運動…

搞到腳踠條筋拉親 成隻豬腳腫左??‍♀️

呢個故事教訓我：以後每做一樣運動都要休息一陣同拉夠筋先

??‍♀️??‍♀️??‍♀ ️??‍♀️??‍♀️

隻腳過咗幾日終於好番晒，可以做番運動！

而家運動前後都要瘋狂拉筋呀！！

今個星期做足三日運動，可以為黎緊幾日嘅飯局打定底了，好似係，我希望係??‍♀️??‍♀️??‍♀️??‍♀️

呢個星期好多朋友甚至屋企人見到我都話我瘦左，其實暫時都係減左12磅左右，應該係之前努力嘅成果同埋fat rate都keep住每日跌0.1%，運動係可以令人覺得由160磅變130磅！好有動力繼續運動呀！加油??

其實自從開始減肥後多左好多朋友問我點樣控制飲食同做運動減肥，或者身邊嘅人都唔多唔少被影響到會多左做運動/戒零食等等。。。其實都會好開心?因爲覺得自己咁小薯都帶動到小小動力比其他人，雖然我都仲係半桶水但應該唔會教壞人！！！??

繼續閱讀