本期活動
[減磅第4-6個月] – 出trip + 新年 + 終於脱離150魔咒！
體重： 179lbs ⇒ 146LBS
脂肪率： 46% ⇒ 34.5%
新年前有幾日要出差，
堅持一個原則就係太油太咸嘅嘢寧願食少左都唔好食🙅🏻♀️🙅🏻♀️🙅🏻♀️
不過最後都係失敗左食左四塊肥牛🤦🏻♀️
好彩出完trip番黎都有瘦到😍無反彈番💪🏻💪🏻💪🏻
有晚去左食粥底邊爐～肥野全部都無食！好叻叻！
海鮮就食食食🤤
Team lunch🙈 mark定自己食左咩先
蝦餃、菜苗餃、燒賣、蘿蔔糕、叉燒包、叉燒腸、無皮嘅燒鵝
少少瀨粉少少炒飯
少少超標🙈算係咁
不過講到食團年飯喎，就梗係食左先講🤤🤤🤤
話咁快到咗新年，已經開始破戒食宵夜🤣
新年係一定要飲茶架～～今日食多少少都無所謂喇？
初一食飯，我仲偷食左一底雞蛋仔同一碗魚肉翅🤗🤗🤗
新年一定要著下紅色衫應節～～～瘦左著衫比人讚真係好開心🤗🤗🤗
過咗新年，少D飯局
終於脱離到150魔咒！
媽呀我得左啦！
都唔記得我有幾耐無試過14x磅~
有次下午茶去咗打邊爐🤦🏻♀️🤦🏻♀️
今次忍左口🙈
食左雞、豬肉、牛肉、芋絲、年糕、豆腐、春卷、烏冬同大量菇類菜蕃茄同粟米😂
咁啱有飲宴，個蟹羹有燕窩，所以我毫不猶豫咁食左😂
唔好學我😂
不過已經學識咗唔狂食肉了~
今次係真正嘅before & during~
未減完所以無after🤣
今日番去覆磅睇番啲相～
上面係減肥Day 1，下面係減左30磅後影嘅，
營養師都話真係差好遠呀～～
睇番以前真係虎背熊腰🤦🏻♀️🤦🏻♀️🤦🏻♀️
肥到雙下巴出晒黎，
隻手成個機器人咁鋼起晒好大份🤦🏻♀️🤦🏻♀️🤦🏻♀️
肚腩差不多40吋，
個pat同條腿好可怕🤦🏻♀️🤦🏻♀️🤦🏻♀️🤦🏻♀️🤦🏻♀️🤦🏻♀️
不過睇到啲相就好有動力咁繼續為自己努力！！！！
果時覺得60磅點減到咁多呀，
但不知不覺就由179磅到而家146磅。
原來營養減肥真係得！
第一次覺得我嘅人生係可以同個瘦字慢慢扯上關係~
第一次覺得原來我都可以瘦到可以變靚~
第一次出街係會想買牛仔褲而又啱著(雖然只係半橡筋頭)~
第一次真係咁有恆心同動力去為自己完成一件事~
飽住減肥其實唔難~
我得你都得，同志們繼續一齊努力💪🏻 💪🏻
期待13字頭嘅來臨！