蕃薯、薯仔大家都聽得多食得多，究竟佢地係咪親戚嚟？

蕃薯屬於旋花科植物，同科蔬菜有通菜、蕃薯葉。

蕃薯嘅益處分3大類，包括：

1. 豐富維他命A：對滋潤眼睛、維持視網膜健康、預防夜盲症有好重要幫助㗎！
2. 蕃薯嘅纖維含量都比薯仔高：幫助促進腸道蠕動、預防便秘，仲會維持腸道益菌平衡。
3. 蕃薯當中嘅維他命C可以提高身體免疫力、保護牙肉健康，同埋幫助製造骨膠原！

至於薯仔就屬於茄科植物，係同蕃茄、茄子屬於同一科㗎。

薯仔含有：

1. 豐富嘅鐵質同鉀質：鐵質係紅血球原材料之一，幫助運送氧氣；而鉀質就可以幫助我哋去除身體積水，改善浮腫嘅問題。
2. 葉酸：又稱維他命B-9，對維持DNA嘅製造，以及細胞分裂過程有重要作用。
3. 抗性澱粉：結構同普通澱粉質唔同，難被消化吸收，令抗性澱粉同膳食纖維嘅功能相約，包括促進腸道蠕動，亦可以提高飽肚感，減低正餐之間進食零食！

兩種「薯」都有啲共通點啵，分別同屬於優質碳水化合物，所提供嘅熱量亦相近。另外就係兩者都一樣咁好食，菜式配搭亦好多元化！冬天就快到，用薯仔、蕃薯嚟整大餐，咁就又暖又飽肚啦！

————————————————–

〈米施洛〉【營養減肥計劃】輕鬆纖營無難度，填回下表登記「綜合體重及健康分析」，讓你對健康減肥了解更多，現參加計劃更可享優惠！