聽聞食西芹、蘋果、飲水等可以越食越瘦，之所以有呢個講法，係因為食嘢嘅過程中身體需要用一定嘅能量去分解同消化食物。當用嘅能量比從食物當中吸收嘅還要多，就可以造成減磅嘅效果！

例如蒟蒻嘅熱量近乎零，身體卻需要消耗能量去消化，所以就被稱為「負卡路里食物」。就係因為咁，網上就有流傳一大堆話食咗會瘦嘅食物。

不過世事邊有咁完美，有研究指出，消化食物所用嘅能量係好有限，身體只用上5-10%食物中嘅能量去消化佢嘅碳水化合物、0-3%去消化脂肪同20-30%去消化蛋白質。

又來一個計算題，以西芹為例，100克西芹有14卡路里，但消化佢用嘅能量照計頂多用上約6卡路里，即係身體仍然吸收咗8卡路里，又點會有食物越食越瘦呢？不過當你食用呢啲較低卡食物去代替高卡食物，長期減少熱量攝取係有機會令體重下降嘅。

————————————————–

〈米施洛〉【營養減肥計劃】輕鬆纖營無難度，填回下表登記「綜合體重及健康分析」，讓你對健康減肥了解更多，現參加計劃更可享優惠！