聯絡我們

本期活動

營養師醒您:5大聖誕飲食攻略

下星期就聖誕節喇,大家係咪已經約好哂三五知己開Party慶祝,同屋企人去食返餐好嘅獎勵一年以嚟嘅努力呢?

 

不過嚟緊咁多飯局,唔想大節過後肥腫難分,咁就要留意以下幾個營養師嘅聖誕飲食攻略喇:

 

1. 出門前,要打底

諗住儲定多啲quota,肚空空就出門口?去到餓過頭狼吞虎嚥,分分鐘仲食得多過平時添㗎!因為派對食物多數都係pizza、炸雞等嘅高脂食物,食幾件就已經超哂標,所以最好喺出門之前食定啲高纖維蔬菜打底,去到盡量選擇一啲低脂食物為主,如火雞,魚生壽司等,其他較邪惡嘅食物就淺嚐一兩啖過下口癮就好喇!最後,食番幾件新鮮水果做飯後甜品就夠哂fresh啦!

 

2. 煮食大決鬥

年年都叫到會應該都食到悶啦,今年就玩玩新意思每人準備一款健康美食帶去party,揀番個派對煮角送大禮。唸唔到有咩好整?唔駛驚,參考下以下例子啦:烤南瓜藜麥沙律,三色椒雞串,蒜香一口牛柳,牛油果火雞三文治,雜果乳酪杯… 靈感多到數之不盡呀。都係無頭緒,去我地嘅「營養短片」專欄拎下靈感啦!

 

3. Quota用得精明

食大餐通常都會配各式各樣嘅飲品,例如香檳,啤酒,汽水等,不過依啲飲品一係有酒精,一係就好高糖份,飲一杯兩杯分分鐘等同食咗成碗飯嘅熱量!反正都係要keep,倒不如留番啲quota去美食度,配啲無咩熱量嘅飲品仲好啦!可以買無酒精啤酒,無糖茶或汽水,又或者自己用鮮果同梳打水自製雜果賓治。

 

4. 咪做大嘥鬼

去食自助餐嘅朋友仔,見到數之不盡嘅美食,一定每樣都想試下,唔覺唔覺就拎多咗,為免浪費勉強塞埋落口,肥得嚟又食之無味就無謂啦!食幾多拎幾多,貪食嘅你如果樣樣都想試,不妨每樣拎小小一家人齊齊分享,咁就唔驚浪費啦!

 

5. 享食後多活動

飲飽食醉後,千奇唔好唔記得要多活動,飯後步行至少30分鐘先返屋企,咁就可以減少脂肪積聚,幫助消化。開party時除咗平時玩開嘅boardgame之外,依家新式嘅電子遊戲都有好多需要用到玩家肢體去操控嘅動態game,刺激得黎夠哂動態!

 

節日成日都有,大家其實都係希望同親朋好友共聚一番,放低平日嘅工作壓力好好輕鬆下。不如今年就過番個有營聖誕啦!

 


〈米施洛〉【營養減肥計劃】輕鬆纖營無難度,填回下表登記「綜合體重及健康分析」,讓你對健康減肥了解更多,現參加計劃更可享優惠!

查詢表格


中環銅鑼灣旺角沙田荃灣元朗
*必需填寫
閣下有機會收到〈米施洛〉最新營養、活動、服務推廣等資訊。〈米施洛〉不會將你的個人資料,洩露予其他人士及組織,資料絕對保密。