迎日天氣時暖時熱，本身有氣管敏感或者哮喘嘅朋友可能喺這樣換季時期會特別辛苦。雖然氣管敏感並非靠飲食就能夠根治?，但係適合嘅營養飲食可以幫手舒緩氣管敏感同減輕哮喘嘅嚴重程度。 #小米 俾5個營養小錦囊有氣管敏感煩惱嘅朋友們啦?！

攝取足夠且多元化的蔬果

有研究指攝取較足夠蔬果嘅小朋友同成年人患上哮喘嘅風險會相對較低，同時佢哋嘅哮喘症狀似乎都較輕。唔同顏色嘅蔬果能提供各種不同嘅維他命同抗氧化營養素，好似紫色嘅花青素?、橙黃色嘅β-胡蘿蔔素?、紅色嘅茄紅素?、白色嘅蒜頭?同洋蔥?入面嘅蒜素等，對舒緩氣管敏感都有幫助。此外，蔬果中嘅維他命C都對氣管健康有益架！

多選擇高纖食物

攝取足夠嘅纖維可以幫助我哋體內益生菌嘅存活，從而有減少腸道炎症同協調免疫系統嘅功效。我哋每日需要攝取25克纖維，主要可以喺蔬果中攝取到纖維，較高纖啲嘅蔬菜包括咗西蘭花?、椰菜花、青豆等，此外，穀物類包括全麥包?、粟米?、根莖類好似薯仔?等食物都有纖維架！想纖維食得足夠，除咗著眼於蔬菜外，都可以選擇高纖嘅五穀，譬如用糙米飯、藜麥等代替白飯?，或者用全麥包代替白麵包?等。

多食用含奧米加3脂肪的食物

除咗降膽固醇同預防心血管疾病方便嘅益處，奧米加3脂肪都有抗炎嘅效果架喎！而有助抗發炎、抗氧化嘅營養素都有助減低哮喘嘅風險同舒緩氣管敏感嘅幫助。要食到足夠嘅奧米加3，可以選擇食深海魚類?如三文魚、鯖魚、黃立倉等。植物性食物方面，可以選擇合桃、亞麻籽、奇亞籽等食材添！

飲用溫暖飲品

少飲凍飲，多選擇暖水、花茶、熱茶?等，避免凍飲使氣管收窄及刺激，足夠水份攝取能協助喉嚨濕潤，有助舒緩氣管不適等症狀。茶亦含有茶多酚，有抗氧化嘅作用，發酵程度較少嘅綠茶?中兒茶素等茶多酚含量較紅茶多，抗氧化能力亦較高。

保持健康體重

研究數據指出過重同癡肥嘅小朋友患上哮喘嘅風險比健康體重嘅高，而較高BMI嘅組別嘅哮喘症狀都相對比較嚴重一啲。