坊間比較受大眾歡迎嘅花蟹、大閘蟹同帝王蟹，佢哋嘅營養價值其實並無太大分別。三者都有豐富蛋白質，每100克可食用份量嘅蛋白質含量約相等於2.5隻麻雀牌大小嘅肉類。而且三者均含鈣質及鋅質；鈣質有助維持骨骼健康，而鋅質則有助增強免疫力。根據食物安全中心及美國農業部嘅資料顯示，三者之中，以大閘蟹嘅鈣質最高；帝王蟹嘅鋅質最高。

至於蟹膏其實即係公蟹嘅精囊精液及器官嘅集合體，而蟹黃就主要係母蟹嘅卵巢及卵細胞。兩者均含大量脂肪及膽固醇，患有高血壓、高膽固醇、痛風等慢性疾病嘅人士都不宜食用。

想食得均衡，食蟹時可配高纖五穀，如糙米飯及蔬菜，以增加飽肚感。另外，可主要食蟹肉，蟹膏蟹黃則少量食用，過過口癮就好喇！如果係屋企食蟹嘅，可以加入少量油份及天然調味如薑、蔥、蒜等快炒；或用蒸、焗等低脂煮食方法煮熟。出外食蟹時則可選擇蒸、烚、花雕凍蟹等健康蟹類菜式，鮮味又健康！

————————————————–

〈米施洛〉【營養減肥計劃】輕鬆纖營無難度，填回下表登記「綜合體重及健康分析」，讓你對健康減肥了解更多，現參加計劃更可享優惠！