農曆新年?，過時過節，無論係煮食定係送禮?，當然唔少得臘味?。大家又知唔知邊款臘味係最高卡⬆️？邊一款脂肪含量最低⬇️？糖同鈉含量又高唔高？

原來最高卡⬆️係金銀潤，每100克有成630卡路里同埋64克脂肪，即係食唔夠一條就已經有三碗飯嘅熱量???、超過四湯匙油落咗肚????。而最低卡⬇️嘅係臘鴨髀?，同樣份量有大概320卡路里、21克脂肪，同金銀潤比較，熱量相差1️⃣倍，脂肪係三分之一，但依然有近四茶匙油咁多?。

脂肪黎講：??

其實除咗臘排骨同臘鴨髀?，大部份嘅臘味脂肪含量都有接近四至六成?，仲要超過三分之一係屬於飽和脂肪?。若用1個成年人每日進食2000卡路里做例子，建議攝取嘅脂肪應該唔超過60克??‍♀️，所以食足100克有機會已經食晒果日既quota?!

鈉含量方面：??

除咗金銀膶之外，其餘嘅臘味如果食100克，都已經非常之緊貼每日2000亳克上限?。

曾經有會員同小米講?：「我知道臘腸/膶腸一定係計蛋白質?，所以我磅咗30克當一份肉。」咁實在係太睇小佢地啦?！30克就已經含有12-14克脂肪，係平時蛋白質嘅4-5倍⚠️，所以絕對唔可以等於一份肉。

之後會員就再講?：「咁我下次買返加瘦臘腸咪得囉?！應該冇咁肥啦掛？」咁又跌落減肥既陷阱?！因為其實加瘦臘腸每100克只係比起普通臘腸少3.5克脂肪，即係少過一茶匙油?，仲要加多左10克嘅糖添！