以100克計算

只要識得揀，中秋節都唔駛擔心啦。冰皮月餅望落細件啲，熱量都自然低啲！不過，唔同口味嘅冰皮月餅嘅熱量都可以有好大落差，好似1個普通size特濃朱古力冰皮月餅 (90克)  已經有成320卡，熱量等於食咗碗雞扒扭扭粉，更內含5茶匙砂糖。

近年流行嘅迷你奶皇月餅 (1個45克)，熱量、脂肪同糖份都較傳統月餅低，可以適量食半個嘅。半個迷你奶皇月大概80卡，其實等於食咗1茶匙肥油 + 糖㗎喇。至於邪惡嘅傳統蓮蓉月餅 (1個160克)，食1個等於食咗3碗飯喇，仲有成6至7茶匙嘅油份添呀，完全係增肥嘅「好幫手」。

想應節？可以揀番啲水果口味嘅迷你冰皮月餅，亦不妨同你既家人朋友share下啲月餅 (同熱量) 啦！每次食最多1/8件傳統月餅或1/4個冰皮月餅好啦。同埋唔好遺忘咗楊桃、柚子等應節水果呀！

溫馨提示：由於月餅嘅糖份同飽和脂肪含量都好高，進食過量會有損心臟血管健康，患有糖尿病、高膽固醇的人士更要小心控制份量。

————————————————–

〈米施洛〉【營養減肥計劃】輕鬆纖營無難度，填回下表登記「綜合體重及健康分析」，讓你對健康減肥了解更多，現參加計劃更可享優惠！