隨着「素食」越來越普及化，好多餐廳同食肆都有提供素食選擇，素漢堡包就係其中一個例子。

當中主要材料 – 漢堡扒：

1塊素漢堡扒：大約290卡路里，22g 總脂肪，5g 飽和脂肪，0mg 總膽固醇。

1塊傳統牛肉漢堡扒：大約287卡路里，23g 總脂肪，9g 飽和脂肪，80mg 總膽固醇。

雖然兩者嘅卡路里同脂肪含量差唔多，但素漢堡扒嘅膽固醇含量的確比牛肉漢堡扒低，睇落真係好似健康啲咁？

不如睇埋加咗其他配料又係點？

一般素漢堡包，除咗有1塊素漢堡扒外，仲會加上1片素芝士同一些素蛋黃醬。

1片素芝士：大約70卡路里，5g 總脂肪。

1湯匙素蛋黃醬：大約90卡路里，10g 總脂肪。

而平時用係一般牛肉漢堡包入面的：

1片車打芝士：大約50卡路里，3.6g 總脂肪。

1湯匙蛋黃醬：大約50卡路里，5g 總脂肪。

將所有材料加埋：

1個素漢堡包：大約630卡路里，39.5g 總脂肪。

1個牛肉漢堡包：大約567卡路里，34.1g 總脂肪。

其實計返起嚟，素漢堡包同傳統牛肉漢堡包嘅卡路里及總脂肪原來相差不太大，主要原因係由於素食材料一般都會用上唔少椰子油，例如素漢堡包入面會用到嘅素芝士咁。

不過點解「素食」聽落一般都感覺上會「健康啲」？

其實素食係以植物嘅蛋白質去代替動物嘅蛋白質，例如食一些豆類製品，好似豆腐及大豆或者堅果類去代替牛、豬、雞等肉類。大部分素食食材嘅總脂肪 (尤其飽和脂肪及膽固醇) 都比一般肉類低，可以有助控制或減低壞膽固醇及心血管疾病。

而且食素一般都會較為高纖 (多蔬果)，可以提升飽足感，減少會食太多或食零食嘅機會，有助減低肥胖，並有助排便。

雖然素食看似係一個唔錯嘅選擇，但大家選擇素食食物嘅時候，都要留意一下當中所用嘅配料同烹調方法，避免跌入高脂陷阱！

————————————————–

〈米施洛〉【營養減肥計劃】輕鬆纖營無難度，填回下表登記「綜合體重及健康分析」，讓你對健康減肥了解更多，現參加計劃更可享優惠！