聯絡我們

Sharon (B8083)

自小都係肥妹仔,所以唔覺得肥係大問題,總之冇病冇痛就可以。讀書時期有食過減肥藥,也會去 Gym 做運動,但唔識得點樣控制食量,又唔知食乜先對自己好,所以輕咗一小段時間後,體重就反彈,仲要比減磅之前重,不過我都未意識到其嚴重性。直至2020年尾,發現自己有高血壓同埋肝酵素少少超標,就在翌年六月,經朋友介紹下嚟咗〈米施洛〉,參加減肥計劃。

 

減肥後最大嘅收穫當然係血壓同埋肝酵素都回復正常。以前仲係肥妹仔嘅時候,好容易攰同出汗,行一層樓梯就好易氣喘,依家減咗接近65磅,身體變得輕盈,人都精神咗!另一大收穫就係可以買靚衫,可以着以前一直唔敢着嘅衫,感覺人都開心咗同有自信咗!朋友家人讚我瘦咗好多,變咗另一個人,有前所未有嘅開心同滿足!哈哈…

 

其實當初都有懷疑自己可唔可否減到磅,始終都肥咗咁多年,但發現原來健康減肥都唔係好困難,因為參加咗〈米施洛〉減肥計劃後,每個禮拜都要見一至兩次營養師,有人可以監察自己同幫自己跟進餐單,都幾容易落到磅。只要用啱方法就可以。以前覺得食少啲就可以瘦到,之後發現其實只要飲食均衡、少油少鹽少糖、定時飲食,其實都可以飽住咁瘦。初頭見營養師時, 對食材份量控制冇乜概念,屋企人煮嘢食都比較油膩同埋落調味料比較重,所以「纖房菜」喺減肥開頭都幫助唔少,而且喺我返工冇時間煮飯嘅日子,真係方便好多!

 

最後, 我好多謝我嘅營養師 Angel Tsoi同埋帶我嚟見營養師嘅好朋友!我都希望減肥中嘅你哋,可以成功瘦身!只要堅持同埋好好利用營養師教導嘅方法,就一定可以成功!加油!