香港人喜歡飲湯?，原來要飲碗「好」湯，原來大有學問！

我地平日飲開家常老火湯，其實暗藏危機！因為老火湯一般以豬骨?、魚頭、雞等材料熬製，脂肪含量非常高?，長期食用會令身體攝取過多熱量，造成肥胖問題?！好多人覺得很補嘅燉雞湯?，加入咗雞皮、雞腳等部位熬製，每碗已有475千卡及24克脂肪，熱量相等於2碗白飯??，當中更含5茶匙油?！再者，雞皮、雞腳含大量飽和脂肪，破壞心血管健康，大大提高我地日後患上冠心病、心臟病等風險?。

至於係餐廳常見的羅宋湯及酥皮忌廉湯，熱量分別為88千卡及325千卡。雖然羅宋湯熱量不太高，但由於加入茄膏及鹽分，令湯嘅鈉含量飆升：一碗羅宋湯約含1000毫克鈉質。成年每天的鈉質攝取上限為2000毫克， 一碗羅宋湯已佔全天鈉質攝取量的50%，過量攝取鈉質更有機會引致高血壓，影響健康。至於酥皮忌廉湯，用咗忌廉及牛油製作，而豬油更係酥皮的必要食材，變相「飲油落肚」?！

要飲「好」湯，咁就要由食材著手，可多選擇蔬菜作為主要食材，如：南瓜?、番茄?、西芹。南瓜及蕃茄含有維他命A，促進眼睛及免疫系統健康?；亦可適量加入瘦肉片、魚尾、豆腐等配料增加風味，呢幾種材料都提供咗蛋白質?， 可以促進肌肉生長。屋企煲湯以滾湯為主，可以避免因長時間高溫烹調導致營養素流失，仲可以慳時間呢。下面有個簡易湯水食譜，大家不妨試下啦。

番茄南瓜魚湯食譜（4人份）

做法：

1. 南瓜去皮去籽切件備用，番茄切件備用，鯇魚尾用少許鹽及胡椒粉醃5分鐘備用；
2. 用中火燒熱易潔鍋，加少許油，加入薑片炒香。加入鯇魚尾煎至兩面金黃色；
3. 準備一個大湯鍋，加入鯇魚尾及熱水，用大火煮8-10分鐘；
4. 加入南瓜及番茄，蓋上鍋蓋，轉中低火煮45分鐘；
5. 加少許鹽調味，即成。

延伸閱讀：

• 十大餐湯卡路里大公開
• 邊款壽司最高卡？
• 【減肥食大餐】烤雞野菌燴藜麥

〈米施洛〉【營養減肥計劃】輕鬆纖營無難度，填回下表登記「綜合體重及健康分析」，讓你對健康減肥了解更多，現參加計劃更可享優惠！