《生完兩個小朋友，3年後都仲減到》

生完小朋友最高峰時重咗5X磅，生完3年都仲有廿幾磅輕唔返，連衫都無心機去買。我相信專業的減肥方法，當然去搵營養師啦！

 

我第一次去完米施洛之後，覺得自己好似做咗次簡單身體檢查，才發現自己咁多健康指數都唔係健康水平，即刻知道就算唔係為貪靚都要俾心機減啦！

 

一開始都有啲擔心，好似好複雜咁，成日揭住本手冊睇、又要計數，但好彩有纖房餸，加個菜同飯/粉就食得，好快習慣，仲要日日都食得夠哂飽，過程中都唔會覺得好辛苦。

 

營養師有不停同我講除咗改變飲食，亦要做運動，可惜要湊兩個小朋友實在每日的時間都唔夠用！但喺佢的鼓勵下，我都開始每星期抽1個鐘去做空中瑜伽，期間仲有玩直立板、試下偷時間做ABS。最後我仲喜歡上呢啲運動，之後都會keep住呀。

 

今日，我畢業了。多謝我的營養師Winky, 耐心地指導我，令我用咗4個月時間，就已經減咗20多磅！由一開始懷疑：係咪真係得㗎？到一步一步實踐出來，呢個過程除咗自己得益，同時教埋仔仔學懂每件事都要堅持。