由細到大，家人和朋友都對我好好，多次提我「太肥」對身體唔好。我覺得自己唔醜，比起外國超大碼女士嚟講又不算太肥；因此，我選擇唔隨波逐流，一於唔理。

直到2015年10月，某星期日…「姐姐你好肥，要睇醫生啦！」教會一個小妹妹一語驚醒我。我冇唔開心，覺得「童言無忌，小朋友眼中嘅我，原來已經肥到要睇醫生！」我諗係時候要減肥啦！

第一次見營養師前，同自己講:「玩下啦!！得就得，唔得都就算，失敗咗都冇咁傷心。」幾年都沒有上過磅，點知…… 體重186.9磅，嘩！邊有咁重啊！當時我的血壓 是141/102，嘩！ 咁高，簡直恐怖！唔得啦！原來已經唔止外表，連身體都已經不正常。

當日下定決心，比自己半年時間，每星期見營養師，勁聽話，勤運動，一於減得幾多得幾多！每次到〈米施洛〉都好開心，接待員發放好多正能量比我，又不斷鼓勵我。

營養師簡直100分，跟住佢比我嘅意見，又食得飽、又減得好，完全冇壓力地減肥！時間過得勁快！我現在已回落至標準體重，血壓 改善了很多，已回落到正常的118/86。

呢段日子，真係好多謝身邊家人和朋友支持我！