聯絡我們

Danna (Y6777)

生B後,身形暴漲至165磅!人家說,生完B,因為餵人奶同湊仔攰會慢慢瘦返下來…,但這個情況無在我身上發生。懷孕後期,我的血糖指數稍超標,醫生話生仔後會回落至正常水平。但之後做O.G.T.T.飲糖水檢測,血糖水平依然超標⋯⋯加上老公日日笑我肥,成日話我「你又食」,又話我個身型同娶我果時變晒⋯令我感到好自卑⋯的確我嘅食量大咗好多,仲要每2個鐘頭就要食嘢,全部都係食零食⋯⋯我真係好想搵人督促我減肥,同時唔想再用以前嘅亂減肥嘅方法(試過:cut飯食肉減肥法,狂做運動,食好少嘢或唔食嘢,生酮飲食法,買營養減肥產品食代餐等)。想起舊同事經「米施洛營養護康中心」減肥成功兼無反彈,深明要減,就不如請專業營養師幫助,於是開展我的減肥旅程。

 

減肥後最大的收穫,是解決血糖不穩定和腰痛問題,人精神咗,有魄力咗,恆常運動令我體能提升返,身型變返嫁之前咁,襯衫同影相都有心機返,唔再比人話我係師奶,有人會以為我係大學生😏😏,老公對我關注多返,無再笑我肥。

 

今次減肥過程中,我的心得是要聽營養師話,跟餐單,仲有一定要自己努力做消脂嘅帶氧運動,如果有偷食,要誠實話比營養師知。要有求知欲,有營養或份量問題,可隨時打電話返中心問營養師,還有學習買啲低脂食物同多用代糖。雖然營養師教嘅,聽起來是老生常談嘅嘢,但實行起來,有營養師監督住係好好多,同埋營養師寫比我嘅餐單,係好配合我個人需要。