中學時巳經聽過〈米施洛〉。當時見證一個好肥同學，變成好Fit靚女；佢平時食好多嘢，所以我完全唔明白，點解佢可以食咁多都減到肥！

其實，由小學開始，我巳經係全班最有份量嘅一個，所以好想跟同學仔一齊去減肥。但基於我有長期病患，家人唔肯，佢哋覺得「瘦」 = 「唔健康」。

婚後，體重真係「與日俱增」，去到180磅。

好驚，又唔知點減，擔心身體未必可以「節食」加做運動。

當唔知點算又好想減肥時，朋友介紹我參加〈米施洛〉減肥計劃。因為佢自己試過，係「有成績」同「健康」，所以鼓勵我參加。

第一次見營養師，將自己嘅病情及擔心講晒佢知。營養師好好，好細心聽我講，之後慢慢教我可以點做同點食。日子一日一日咁過，我啲體重一個月比一個月輕！勁開心囉!!最開心係我長期病患有好轉！連醫生覆診時都問我點減，因為佢見我啲指數變番正常^^！

多月來，我減肥成績真係好好!!! 而家到我同事有一個問題：點解我可以食咁多嘢，但又可以減到肥呢？

其實「減肥」唔等於「無啖好食」；「瘦」 亦唔等於「唔健康」。所以，我都介紹同事同我媽咪嚟〈米施洛〉參加減肥計劃。有好嘢緊係要推薦俾身邊嘅人啦^^ 。

響呢到，我想再次多謝營養師，減肥幾個月裡，因為工作壓力太大，攪到自己有時用「食零食」嚟減壓，但營養師唔單止教我用其他方法減壓，仲好關心我，聽我訴苦等。我真係好感受到， 我哋唔係「顧客關係」咁簡單。佢真係用個「心」嚟幫我減肥^^ ~ 營養師: Thank you so much！

希望大家都成功達到「減肥目標」呢!!! Yeah！